Category: પ્રકાશન

ગુજરાત વિશ્વકોશ ટ્રસ્ટ દ્વારા નીચે મુજબના પુસ્તકો પ્રકાશિત કરવામાં આવ્યા છે. જે આપ ગુજરાત વિશ્વકોશ ટ્રસ્ટની ઑફિસ ઉપરથી અને / અથવા ગુર્જર પ્રકાશનના નીચે જણાવેલા સરનામા ઉપરથી મેળવી શકો છો.

ગૂર્જર સાહિત્ય ભવન : રતનપોળનાકા સામે, ગાંધીમાર્ગ, અમદાવાદ – ૩૮૦૦૦૧ (ફોન : ૦૭૯-૨૨૧૪૪૬૬૩, ૦૯૨૨૭૦૫૫૭૭૭)

ગૂર્જર સાહિત્ય પ્રકાશન : ૧૦૨, લૅન્ડમાર્ક બિલ્ડિંગ, ટાઇટેનિયમ સિટી સેન્ટર પાસે, સીમા હોલ સામે, પ્રહ્લાદનગર, અમદાવાદ – ૧૫ (ફોન : ૨૬૯૩૪૩૪૦, ૯૮૨૫૨૬૮૭૫૯)

વિદેશથી પ્રગટ થતું ત્રૈમાસિક ‘ગુર્જરી ડાયજેસ્ટ’ જુલાઈ, 2021થી ગુજરાત વિશ્વકોશ ટ્રસ્ટ પ્રકાશિત કરે છે. તેમાં લલિતકલાવિષયક લેખો, વાર્તા, કવિતા, તત્વજ્ઞાન, સાંપ્રત પ્રવાહો વિશેના લેખો નિયમિત રીતે આવે છે. આ ત્રૈમાસિક કિશોર દેસાઈ અને ડૉ. કુમારપાળ દેસાઈના સંપાદન હેઠળ પ્રકાશિત થાય છે.

શિષ્ટ અને સંસ્કારી સાહિત્યનું વાંચન પીરસતા ત્રૈમાસિક ‘ગુર્જરી ડાયજેસ્ટ’માં દેવિકા ધ્રુવ, ગિરા કાનિટકર, જયંત બી. મહેતા, રેખા સિંધલ, ભરત ત્રિવેદી, મધુ ઠાકર, ક્રિષ્નાદિત્ય, નટવર ગાંધી, વૈભવ જોશી, વાસુદેવ ઇનામદાર, બાબુ સુથાર, જયશ્રી મર્ચન્ટ, વિપુલ કલ્યાણી વગેરે વિદેશમાં વસવાટ કરતાં ભારતીય લેખકોના લેખો પ્રકાશિત થાય છે.

ધીરુબહેન પટેલની પ્રેરણાથી નારીસર્જકતાને ઉજાગર કરતું સાહિત્ય, જ્ઞાન અને કળાનું ત્રૈમાસિક ‘વિશ્વા’ ગુજરાત વિશ્વકોશ ટ્રસ્ટ દ્વારા મે, 2023થી પ્રકાશિત થાય છે. જેનાં તંત્રી ડૉ. શ્રદ્ધા ત્રિવેદી, સંપાદક લતા હિરાણી, સહસંપાદક ગિરિમા ઘારેખાન અને પરામર્શક પ્રીતિ શાહ છે.